Stop Motion PERDIDO?

 Este ano o proxecto do centro era o cine e a titora de 3 anos B xunto coa mestra de religión Vanesa  decidimos facer un Stop motion . 

Escollemos varios contos para que os nenos/as votaran cal se faría , fixemos un recuncho de gravación , preparamos o guión  , traducimos o texto ao galego, gravamos os textos cos nen@s, fixemos os debuxos do conto para o guión, aprendemos a mover os personaxes moi lentamente, fixemos fotos... 

Por fin, despois de 6 meses de traballo e miles de fotos ...rematamos a nosa curtometraxe. O resultado superou as nosas espectativas e estamos moi orgullosas do traballo dos pequechos. 

A curta dura 7,40 minutos e foron necesarios 6 meses de traballo e 2.258 fotografías ( sen contar as que foi necesario borrar ) .

Xustificación pedagóxica:

• Traballamos o conto``Perdido? ´´ de Oliver Jeffers .
• Colaboramos co proxecto do centro.
• Aprendemos o texto en galego.
• Memorizamos e gravamos a nosa frase. 
• Mantivemos silencio durante as gravacións.
• Respectamos os turnos de participación.
• Tivemos control  motriz á hora de facer ás fotografías.
• Aprendemos a facer movementos pequenos , lentos dos personaxes e obxectos.
• Aprendemos que hai cousas que requiren de moito tempo de espera, paciencia e traballo.
• Fomos mirando como evolucionaba  a nosa curta e emocionounos  oír a nosa voz na pantalla ou que as nosas personaxes se moveran soas.
• Preparamos os distintos escenarios.
• Debuxamos as distintas escenas.
• Xogamos coas luces ,
• Xogamos coas personaxes a inventarnos novas historias.
• Compartimos un día de cine  coas familias para a estrea da curtametraxe  e facemos un libro de fotos para o recordo.
• Utilizamos o móbil para facer fotos e gravar os textos, aros de luz, focos, retroproxector, lanternas...
• Ampliamos vocabulario relacionado co texto.
• Traballamos as emocións a través das personaxes.
• Traballamos habilidades de pensamento :
•  De onde puido saír ese pingüín? 
• Que farías tí se atopas un pingüín na porta da túa casa ?
• A quén lle pedirías axuda?
• Que sabes dos pingüís? Cuidados, alimentación, necesidades...
• Porqué estaba só? 
• Que necesitamos meter nunha maleta para viaxar en barco ata o Polo Sur?
• ...

Parabéns a todo o alumnado por tanto traballo e esforzo.

                                                                PERDIDO ?  OLIVER JEFFERS

Pincha na imaxe para ver a curtametraxe